Subling gibatikos ni Senator Rodante Marcoleta ang Department of Justice kon (DOJ) gumikan sa pagpamugos og restitution o pag-uli sa iligal nga bahandi sa magtiayong kontratista nga sila Sarah ug Curlee Discaya human gidawat isip state witness ilawom sa witness protection program kon (WPP).
Gipunting ni Marcoleta nga wala matud pa nakasulat sa Republic Act 6981 Witness Protection Act nga dili kinahanglan ang gitawag nga restitution ayha mahilakip o mamahimong testigo.
Gipasabot niini nga gihimo angbbalaod alang sa proteksyon sa mga testigo apan dili aron dugangan ang obligasyon niini nga wala sa probasyon sa balaod.
Pagpamatuod sa senador, wala niini gipanalipdan ang magtiayona ug buot lamang niini nga matumbok ang mastermind sa naghitak nga isyu sa korapsyonsa nasud.
Hingpit usab nga gikwetiyon niini ang kawani sa DOJ atol sa gipahigayong pagdungog sa imbestigasyon flood control scandal.
Apan depensa sa DOJ, subay kang Undersecretary Jesie Andres, gibarugan niini nga lakip matud pa sa mga kondisyon ang pagpatuman sa tanang matang sa legal ug sibil nga obligasyon nga nakalatid usab sa maong balaod nga nahisgutan.
Kabahin niini, nagpabiling lig-on ang pamahayag ni senador Marcoleta nga inconsistent ang mga lakang sa sa buhatan sa DOJ ug wala magsubay sa probasyon.