Gibutyag ni Senate Majority Leader Juan Miguel “Migz” Zubiri nga dunay panagsabot ang majority bloc sa Senado sa pagpili kang Senadora Loren Legarda isip sunod nga Senate President.
Matud pa niini, gilauman nga mahitabo kini sa dili pa mahuman ang ika 20th Congress sa tuig 2028.
Sa pikas bahin, nagpabiling mabinantayon si Senadora Legarda sa maong hisgutanan ug wala pa kini pormal nga ideya o panagsabot nga nahibaluan bahin sa maong plano.
Saysay pa niini kinahanglan pa niyang makig-istorya kang Sen. Sotto aron makuha ang “first-hand” nga impormasyon direkta gikan sa Senate President.
Gihimakak usab ni Legarda ang mga espekulasyon nga duna kini gihimong sekretong pakigtagbo sa minority bloc aron ilisan ang kasamtangang liderato.
Giklaro sa senadora nga normal lamang ang paglihok-lihok sa mga senador sulod sa session hall ug walay malisya ang iyang pagpakig-uban sa iyang mga kauban sa trabaho.