Gidepensahan ni Senator Jinggoy Estrada ang pangutana niini kabahin sa romantic relationship ni Elizabeth Means, Amerikana nga basketball player, ug gikaingon nga friendly banter lamang kini uban ni Senator Kiko Pangilinan.
Kahinumdoman nga ang kontrobersiya nagsugod sa pagdungog ni Means sa Committee on Justice and Human Rights kaniadtong Marso 3, kabahin sa aplikasyon niini sa naturalization, diin gipangutana kini ni Sen. Estrada kung adunay Pilipinong hinugma kon uyab.
Ang pangutana ni Estrada nakadani gilayon og daghang kritisismo online ug gi-commentan usab ni Rep. Leila De Lima ug gicall-out ang Senador.
Si Means nag-apply sa Philippine citizenship aron makalakip sa international basketball competitions, lakip ang 2028 Olympics, ug usa ka prospect sa Gilas Pilipinas Women’s 3×3 team.
Apan gipasabot ni Estrada, nga kabahin sa responsibilidad sa committee ang pagsusi sa tinuod nga tuyo sa aplikante nga magpuyo ug magtukod og pamilya sa Pilipinas, ingon nga bahin sa proseso sa naturalization.
Kini nunot nahunahunaan matud pa sa Senador ang maong pangutana human mahisgutan si Maodo “Malick” Diouf, nga usa usab ka basketball player ug kandidato sa naturalization, nga adunay Pinay nga hinigugma.