Sen. Hontiveros, gisugyot ang supplementary budget isip tubag sa krisis

Gibutyag ni Senador Risa Hontiveros nga gawas sa pagsuspinde sa excise tax sa lana, gikinahanglan usab ang pagbaton og supplemental budget aron matubag ang krisis sa padayong pagsaka sa presyo sa petrolyo nga epekto sa nagpadayong gubat sa Middle East.

Tumong niini ang paghatag og direktang fuel subsidy ngadto sa mga driver sa Public Utility Vehicle (PUV) ug pagtunol og hinabang sa sektor sa agrikultura, ilabi na sa mga mag-uuma ug mangingisda nga nag-antos sa taas nga gasto sa produksyon ug abono. 

Gidugang usab ni Hontiveros nga ang maong pundo makatabang sa repatriation efforts sa gobyerno alang sa mga Pilipino nga naapektuhan sa kagubot sa maong rehiyon.