Gisugyot ni Senator Risa Hontiveros ang usa ka emergency supplemental budget package nga mokabat sa P58.2 bilyon aron tubagon ang economic shock dala sa nagkagrabe nga krisis sa lana tungod sa tensyon sa Middle East.
Sumala sa senador, gikinahanglan ang maong pundo aron matabangan ang mga sektor nga labing apektado sa pagsaka sa presyo sa palitonon ug serbisyo. Sa maong sugyot, P12 bilyon ang gigahin alang sa transport subsidy.
Apan sumala sa Department of Budget and Management (DBM), walay bag-ong pundo alang sa fuel subsidy ubos sa 2026 budget, ug mahimo lamang gamiton ang P2.5 bilyon nga continuing funds gikan sa tuig 2025.
Dugang pa niini, sa sektor sa agrikultura, gibutyag sa Department of Agriculture (DA) nga P150 milyon lamang ang kasamtangang available subsidy funding.
Apan base sa gihimong pagsusi, kung magpadayon ang taas nga presyo sa abono ug lana, gikinahanglan ang dugang nga P2.8 bilyon aron matubag ang additional cost exposure sa mga mag-uuma.
Dugang pa niini nga dako usab ang pagpangandam nga gikinahanglan alang sa mga Overseas Filipino Workers (OFWs), diin gisugyot ang P38 bilyon nga emergency fund alang sa repatriation ug reintegration.
Gipasiugdahan ni Hontiveros nga dili gayod igo ang kasamtangang pundo sa gobyerno aron mapanalipdan ang katawhan gikan sa nasinating kalisod sa ekonomiya.