Misangyaw og lig-on nga pahimangno si Senate President Francis “Chiz” Escudero kagahapon adlawa batok sa paggamit sa Senado isip dulaan sa politika.
Sa iyang pamahayag, miluwat si Escudero nga dili dulaan ang senado kon “The Senate is not your playground.”
Ang maong pulong gipaabot alang sa mga politiko nga gituohang gigamit impeachment complaint batok kang Bise Presidente Sara Duterte isip pamaagi sa personal nga panimalus o politikal nga ambisyon.
Gipasiugda ni Escudero, nga ang Senado usa ka institusyon nga gilangkuban sa hustisya ug serbisyo publiko, ug dili kini entablado alang sa mga drama sa politika o personal nga interes.
Mibati sa Senate President og kabalaka sa posibilidad nga mahimong instrumento ang Senado sa mga tao nga adunay “blind hatred and ambition,” hilabi na sa nagkainit nga isyu sa impeachment.
Gibutyag usab niini, nga gi-archive lamang ang impeachment complaint samtang nagpaabot pa sa klarong desisyon gikan sa Korte Suprema, ug dili kini pasabot nga i-dismiss na ang proseso.
Samtang miuyon kini nga kung masulbad na ang legal nga diskurso, mahimo kining balikan.
Gi-awhag usab ni Escudero, ang mga kauban sa gobyerno, hilabi na sa House of Representatives, nga magpabilin nga responsable ug maglikay sa paggamit sa mga institusyon sa estado alang sa personal o politikal nga interes.
Samtang giklaro usab ni Senador Rodante Marcoleta nga kung ang Korte Suprema wala misubay sa lihok o desisyon sa ubang sangay sa gobyerno, wala kini nagpasabot nga labaw kini o mas gamhanan.
Giklaro niini, nga kini mituman lamang sa labaw balaod nga mao ang Konstitusyon.