Sen. Bato, gituohan nga naa sa Davao – DILG Chief

Gituohang anaa sa Davao si Senador Ronald “Bato” dela Rosa, sumala kang DILG Secretary Jonvic Remulla.

Kini sa taliwala sa wala pagpakita sa publiko ni Dela Rosa ug sa iyang dili pag-apil sa mga sesyon ug pagdungog sa Senado, human sa mga report nga adunay giingong arrest warrant batok kaniya gikan sa International Criminal Court (ICC).

Apan, gipunting ni Sec. Remulla nga wala pa nakahimo og aksiyon ang DILG gumikan wala pa silay nadawat nga pormal nga kopya sa giingong arrest order gikan sa International Tribunal.

Gibutyag usab ni Remulla nga wala mouli ang senador sa iyang balay sa Cavite, diin silay magsilingan, busa gituohan nga anaa siya sa Davao uban sa iyang pamilya.