Nag-atubang karon si Senador Ronald “Bato” Dela Rosa sa usa ka ethics complaint tungod sa tulo ka buwan nga wala kini misullod o nagtrabaho sa senado.
Nagpasaka og pormal nga kaso ang grupo nga Anti-Corruption group nga Wag Kang Kukurap batok kang Dela Rosa sa Senate Committee on Ethics and Privileges gumikan sa tulo ka bulan nga wala niini tumana ang iyang katungdanan.
Gipunting sa grupo, nga ang kapakyasan sa pagtuman sa katungdanan usa Dereliction of duty ug pag-abuso sa pagsalig sa publiko.
Sumala ni kanhing Finance UnderSecreaty Ceilo Magno dili makatarunganon nga padayun nga nagdawat og kompensasyon ang usa ka opisyal sa gobyerno nga wala mutuman sa iyang katungdanan.
Dugang pa niini, nga susama sa usa ka ordinaryo nga trabahante nga dili gatuman sa iyang mga tahas nga adunay silot kinahanglan usab nga parehas kini nga masinati bisan paman sa adunay taas nga posisyon sa gobyerno.
Matud ni Senador JV Ejercito, nga aduna pay lima ka etchics complaint nga nag-una og dili mahimo nga unahon ang reklamo batok kang Dela Rosa.
Giklaro usab ni Ejercito, nga wala kaniya ang desisyon kung unsa ang husto nga solusyon sa kaso ni Dela Rosa.
Dugang pa sa senador, nga anaa sa mga miyembro sa komite ang paghukom sa reklamo ni Dela Rosa.
Nagpasabot usab si Senate President Vicente Tito Sotto III, nga sa kasamatangan wala pay mga patakaran ang senado sa mga sendor nga wala gasulod, apan adunay mga planong idugang nga patakan gumikan sa sitwasyon ni Dela Rosa.
Usa sa mga plano nga idugang sa senate rules ang posible nga pagpahunong sa sweldo sa opisyal nga wala nagtrabaho.