Gibantayan sa mga awtoridad ang public market ug terminal sa Malaybalay City aron masiguro ang kaluwasan sa mga tawo ug husto nga presyo sa mga palaliton karong panahon sa umaabot nga Pasko.
Sa pakighinabi sa Bombo Radyo Malaybalay ka Christopher L. Timones, Market Supervisor III ug nagmonitor sa night operations sa merkado ug terminal, na matod pa niini nga lig-on ang presensya sa kapulisan sa terminal ug merkado pinaagi sa Oplan Ayos Biyahe sa Pasko, samtang adunay police station ug mga naglibot nga security guards aron dali ra matubag ang mga reklamo sa publiko.
Gisiguro usab sa merkado nga ang mga vendors mopabilin sa ilang desinyo nga lugar aron malikayan ang kagubot ug delikado nga sitwasyon.
Bisan pa man, dili malikayan nga adunay molapas nga uban nga negosyante, apan gikataho dayon kini sa Transportation Regulation Officer para sa hustong aksyon. Â
Sa bahin sa presyo, gi-monitor sa DTI ug Malaybalay City Price Monitoring Council ang merkado, busa walay labaw nga presyo sa palaliton bisan sa Christmas season. Â
Gipahimangno ni Timones ang publiko nga magpuyo sa hapsay ug luwas nga palibot samtang nagpadayon ang paniguro sa presyo ug seguridad sa merkado ug terminal sa tibuok siyudad.