Posibleng hunungon una ang gipahigayong search and retrieval operations sa mga ahensiya sa goberno sa taal lake sa na-missining nga mga sabungero matud sa Department of Justice.
Gumikan sa mga kalihukan sulod sa bulkang Taal, gianunsyo sa buhatan sa DOJ nga kasamtangan dili ipadyon ang mga operasyon human mitungha ang baga nga aso sa ganghaan sa bulkan diin gitawag kini og minor phreatic eruption.
Subay sa pagkalangan, mao ang pagsiguro ni Justice Secretary Jesus Crispin Remulla nga dili pasagdan ang maong kalihukan ug dili tugutan nga mabulilyaso ang proseso kabahin sa kaso sa mga nahanaw nga sabungero, apan siguruhon usab nila ang kaluwasan sa mga technical divers ug uban pang indibidwal kabahin sa operasyon.
Busa padayon ang ahensya sa pakigkoordina sa Philippine Institute of Volcanology and Seismology (Phivolcs) ug sa Department of Science and Technology (DOST) alang sa kahimtang sa bulkan o katubigan kon luwas ba ang pagpadayon sa maong operasyon sa bisan unsang panahon.
Subling gikumpirma niini nga bukog sa tawo ang pipila ka sa mga sako nga nahaw-as sa taal lake nga nalakip sa mga balas sulod sa sako.
Samtang aduna na usab upat ka sako ang narekober sa pinakaulahing operasyon diin ipailawon sa pagsusi kon dugang bukog sa tawo ang nakaylap sa mga otoridad.