Nagtuo si Manila 6th District Rep. Benny Abante nga mahimong “blessing in disguise” para sa mga makatigi ni Vice President Sara Duterte ang sayo niining kumpermasyon nga mudagan para sa eleksyon sa 2028.
Matud ni Abante, ang sayo nga paglihok sa Bise Presidente magbutang kaniya sa mas makuting ebalwasyon sa mga katawhan, ilabi na sa giatubang niini nga ika-upat nga impeachment complaint bahin sa giingong “unexplained wealth.
Dugang pa ni Rep.Abante, kon walay gitago ang Bise Presidente, kinahanglan kini nga magpakita og transparency ug manubag sa mga isyu aron dili mawala ang pagsalig sa mga tawo. Bisan pa man nga lig-on o “winnable” si Duterte kon karon dayon ang eleksyon, wala kini magpasabot nga dili kini mapildi.
Gipahinumdoman ni Rep. Abante ang tanan nga kapin duha ka tuig pa una ang 2028 ug daghan pa ang pwedeng mahitabo sa pulitika.