Usa ka hilabihan ka dakong sawa ang nadiskobrehan sa Sulawesi, Indonesia ang nakapahimo og kasaysayan human mailhan isip “Longest Wild Snake” sa tibuok kalibutan. Ginganlan ang sawa nga Ibu Baron.
Kini adunay katas-on nga 23 feet ug 8 inches ug gibug-aton nga 96.5 ka kilo.
Sa pagkakaron, luwas ug giampingan si Ibu Baron sa usa ka lokal nga conservationist nga si Budi Purwanto, aron mapanalipdan kini batok sa mga poachers.
Ang pagkakadiskubre kang Ibu Baron nakapahimo og mas lawom nga diskusyon kabahin sa nagkagrabe nga panagbangi tali sa tawo ug mga halas sa Indonesia.
Tungod sa pagkaupaw sa kalasangan ug kakulang sa natural nga pagkaon sama sa baboy-ramo, napugos ang mga sawa nga moduol sa mga residential area.
Apan, tungod sa kahadlok, kasagaran patyon sa mga residente ang susamang klase sa mananap.