Usa ka sawa ang nasapnan nga nakigkatapad sa manok sulod sa kulungan niini sa Calasiao, Pangasinan.
Ang panghitabo nakuhaan og video sa usa ka residente niadtong Huwebes diin nakit-an niini ang kahimtang sa maong mananap nga murag gapangita og mataguan gumikan sa dili maayong panahon.
Matud sa nakasaksi, nakita nila ang bitin human sa pagbaha sa ilang lugar.
Posible nga nabulabog matud pa ang natural nga puluy-anan niini tungod sa taas nga tubig, hinungdan nga nisulod kini sa kulungan sa manok.
Nagpahimangno ang mga eksperto nga dili hilabtan o samaran ang maong mananap, hinuon, ipahibalo dayon sa mga awtoridad aron maluwas nga hapsay ug walay kadaut sa katawhan akip na ang kahimtang niini.Â
Usa kini ka pahimangno sa katilingban, ilabi na sa panahon sa baha, nga daghang mananap gikan sa kalasangan ang mubalhin o mangitag lugar ug posibleng mosulod sa kabalayan, busa giawhag ang tanan nga magbinantayon kanunay.