Nagmugna sa iyang kaugalingong record label ang aktres ug singer nga si Sarah Geronimo.
Gipahibalo ni Sarah ang maong lakang pinaagi sa usa ka post sa iyang Instagram kauban ang iyang bana nga si Matteo Guidicelli, diin ilang gibutyag nga dugay na nila kini giandam ug giplano sulod sa pipila ka tuig.
Sa 22 ka tuig nga kasinatian sa industriya sa musika ni Sarah, diin usa sa mga hinungdan nganong ilang gitukod ang label.
Gipadayag usab ni Matteo, ang ilang pagpasalamat sa ilang mga mentors, management team, ug mga kauban nga mitabang ug mitudlo kanila sa dagan sa industriya.
Ang ilang record label nga ginganlan og G-Music, gitukod base sa prinsipyo sa panagtinabangay, respeto, kalinaw sa transaksiyon, ug paglambo.
Tumong niini ang pagsuporta sa career ni Sarah ug sa uban pang mga artist.
Gipahibalo usab nila nga ang ilang unang music collaboration mao ang single nga “Umaaligid” nga ilang gihimo uban ang P-pop group nga SB19.