Init nga hisgutanan ang posibilidad nga mga kababayen-an ang mag-atbang sa 2028 Presidential and Local Elections, sumala ni kanhing Budget Secretary ug Liberal Party member Florencio Abad.
Kini misunod sa pagdeklarar ni Vice President Sara Duterte nga modagan siya isip presidente sa umaabot nga eleksyon.
Matod ni Abad, dili isalikway ang posibilidad nga magkatandem sila ni Sen. Imee Marcos sa sunod nga bugnong lugaynon.
Gidugang pa niya nga posible usab nga modagan pag-usab sa pagkapresidente si kanhing bise presidente ug karon Mayor sa Naga City nga si Leni Robredo, ug mahimong pilion si Sen. Risa Hontiveros isip iyang ka-tandem.
Sumala sa kanhing kalihim, nagpabilin ang desisyon ni Robredo nga makabaton og national position, apan daghan pa ang mahimong mahitabo sulod sa duha ka tuig.
Kung dili man kini matuman, mahimo usab nga mahimong standard bearer sa oposisyon si Sen. Hontiveros, ilabi na nga napakita na niya ang iyang abilidad sa Senado.
Sumla ni Abad nga aduna’y kapasidad ang senador sa pagpangulo, bisan sa presidential o vice presidential nga posisyon.
Una nang gipahayag ni Sen. Imee Marcos nga andam siya mahimong “forever running mate” ni VP Sara, human sa deklarasyon niini niadtong Pebrero 18.