Nagkanayon nga walay sala ang kontraktor nga si Sara Discaya uban ang siyam ka laing indibidwal human sila nagfile og not guilty plea sa kasong graft ug malversation may kalabutan sa giingong ghost flood control project sa Davao Occidental.
Gihimo ang maong arraignment gahaponng adlawa adlawa, Enero 13, 2026, sa Regional Trial Court (RTC) Branch 27 sa Lapu-Lapu City. Ang maong kaso naglambigit sa ₱96.5 milyones nga pondo alang sa proyekto nga giingong wala gayod matukod apan gibayran na sa gobyerno.
Gawas kang Discaya, tag-iya sa St. Timothy Construction, lakip sa nag-plea og not guilty si Maria Roma Angeline Rimando nga presidente sa kompanya ug walo ka mga opisyal gikan sa DPWH Davao Region.Giila ang mga opisyal sa DPWH nga sila si Rodrigo Larete, Michael Awa, Joel Lumogdang, Harold John Villaver, Jafel Faunillan, Josephine Valdez, Ranulfo Flores ug Czar Ryan Ubungen.
Gimandoan sa korte ang 90-day preventive suspension batok sa mga opisyal sa DPWH, gawas kang Joel Lumogdang nga miretiro na sa serbisyo niadtong Mayo 2025.
Ang maong kaso gibalhin sa Lapu-Lapu City gikan sa Davao subay sa mando sa Supreme Court aron masiguro ang paspas ug patas nga paghusay sa mga corruption cases nga may kalabotan sa infrastructure. Gitakda sa korte ang pre-trial sa maong kaso karong Pebrero 3, 2026.