Gikatakdang sugdan na sa Sandiganbayan Sixth Division ang trial batok kang kanhi Ako Bicol party-list Rep. Zaldy Co ug 15 ka kaubang akusado tungod sa gikaingong malversation nga P289million sa Naujan, Oriental Mindoro flood control project, sa umaabot Marso 3, 2026.
Ang kaso naglambigit sa mga opisyal sa DPWH Region IV‑B nga naglakip nila ni kanhi Director Gerald Pacanan, Assistant Regional Directors Gene RyanAltea ug Ruben Santos Jr., Construction Division Chief Dominic Serrano, Project Engineer Felisardo Casuno, ug uban pa. Ang proyekto, nga gitumong sa paghimo ug river dike aron mapugngan ang pagbaha, gi-flagged sa mga auditor tungod sa paggamit sa substandard nga mga materyales, nga miresulata sa Commission on Audit notice of disallowance nga mga P84 million.
Samtang ang Ombudsman, miisang-at og kasong graft ug malversation batok kang Co ug sa mga opisyal, nga tungod sa gikaingong sayop nga paggamit sa pundo sa publiko ug mga paglapas sa Anti-Graft and Corrupt Practices Act.
Kadaghanan sa mga kauban nga akusado nagplead not guilty. Samtang si Co, nagpabilin sa gawas sa nasud, nangayo og kahupayan gikan sa Korte Suprema, nga wala pa nagpagawas sa usa ka temporaryo nga restraining order.