Gipahimuslan sa Sacramento Kings ang pagpahulay sa mga Golden State Warriors satrs aron makuha ang ilang ikatulong kadaogan karong season, sa iskor nga 121-116.
Gipangulohan ni triple-double king Russell Westbrook ang Sacramento ug nakapuntos og 23 points, 16 rebounds, ug 10 assists samtang nagduwa isip forward imbes nga guard nga iyang kasagaran nga posisyon.
Nakatabang usab si DeMar DeRozan nga adunay 25 points.
Gumikan sa wala pagduwa sa mga Warriors star sama nila Stephen Curry, Draymond Green, ug Jimmy Butler, nakapahimulos ang bench players sa team aron ipakita ang ilang abilidad.
Ang rookie nga si Will Richard sa Warriors maoy nanguna sa score nga adunay 30 points ug 7 rebounds, samtang si Jonathan Kuminga nakadugang og 24 points ug 9 rebounds.
Nakapugong pa ang GSW sa una nga tunga sa duwa, apan giapas kini sa Kings sa 3rd quarter.
Sa 4th quarter, naningkamot pa ang Warriors nga makabalos, apan sa katapusan, naghari ang clutch defense sa mga beteranong Kings ug natapos ang duwa sa 5-point lead.
Kini na ang ika-upat nga kapildihan sa Golden State Warriors karong season, nga adunay na lamang lima ka kadaogan.