Giwagtang na sa mga opisyales ang sabong isip opisyal nga kalihokan sa Kaamulan Festival sa Bukidnon human sa nagkalain-laing reaksyon sa sesyon sa Sangguniang Panlalawigan.
Sa pakighinabi sa Bombo Radyo Malaybalay kay Atty. Arbie Saway Llesis, Provincial IPMR Board Member, nga dili ang mahimong aktibidad sa usa ka cultural festival ang sabong tungod kay mahimo kining tan-awon nga sugal ug dili tukma sa diwa sa selebrasyon nga nakasentro sa kultura ug thanksgiving sa 8 ka tribo sa Bukidnon.
Bisan og gitangtang na kini sa opisyal nga programa, midayon gihapon ang sabong apan dili na isip provincial activity kundili gi-sponsor na lamang sa pipila ka mga mayor.
Gisugyot usab ni Llesis nga maghimo og usa ka “IP Day” aron mas mapalalom ang pagpasundayag sa tinuod ug tradisyunal nga kultura sa mga lumad sulod sa selebrasyon.