Gikumpirma sa mga nag-organisa sa Kaamulan Festival nga opisyal nga wala malakip ang sabong sa listahan sa mga kalihukan alang sa kasaulogan karong tuiga.
Kini nga desisyon gihimo aron mapadayon ang kaputli ug tinuod nga kahulugan sa kultura sa pito ka mga tribo sa Bukidnon, diin gihatagan og prayoridad ang mga tradisyonal nga ritwal, pasundayag sa sayaw, ug mga indigay nga nagpasidungog sa kabilin sa mga katigulangan.
Pinaagi niini, mas masiguro usab ang kahapsay ug seguridad sa publiko samtang gilikayan ang mga kalihukan nga adunay kalabutan sa sugal nga mahimong makadaot sa imahe sa festival.
Gipasalig sa komite pinaaagi ni Jun Cruz, Provincial Chair for the Events Committe nga wala ang sabong sa mga aktibidadaes, aron magpabilin mabulokon ug puno sa kadasig ang selebrasyon pinaagi sa uban pang mga lumba ug kalingawan nga haom alang sa tibuok pamilya ug mga turista.
Gidugang pa niini nga gidid-an usab sa pagpamaligya ang mga gagmayng stall sulod sa Capitol ground ilabi na kung walay permit gumikan, kasagaran sa mga manindahay gabaligya og pagkaon ug nagsubay o nag-comply sa mga gikinahanglang dokumento o niagi sa tukmang proseso kalabot na sa pagpamaligya atol sa maong kasaulugan.
Ang maong lakang gipatuman sa mga nag-organisa aron maseguro ang kaluwasan sa publiko, ilabi na sa kalidad sa pagkaon, ug aron mahatagan og makiangayong higayon ang mga negosyante nga legal nga nagparehistro alang sa festival.