Gikumpirma sa Russia ug Ukraine nga mosalmot sila sa ikatulo nga hugna sa peace talks nga gipatigbabawan sa Estados Unidos karong Pebrero 17 hangtod 18 didto sa Geneva, Switzerland.
Human sa duha ka naunang panagtagbo sa Abu Dhabi, kini ang unang higayon nga ipahigayon ang panaghisgot didto sa Europa. Tumong sa maong tigom, nga tambongan usab sa mga representante gikan sa Amerika, ang pagpangita og solusyon aron mahunong na ang hapit upat ka tuig nga giyera.
Sa nangaging mga peace talks, nagkasundo ang duha ka nasod nga hunongon una ang pag-atake sa mga “energy infrastructure” ug nagpahigayon usab sila og binayloay sa mga binilanggo o “prisoner exchange.” Nagpabilin ang tinguha ni US President Donald Trump nga hingpit nang matapos ang kaguluhan sa rehiyon.