Russia, gipasigarbo ang testing sa nuclear powered Burevestnik cruise missile

Gipasigarbo ni Russian President Vladimir Putin ang malampusong pagsulay sa nuclear-powered Burevestnik cruise missile.

Ang missile test gihimo pipila ka adlaw human sa pakyas nga panagtagbo tali niini ug sa Presidente sa US nga si Donald Trump.

Tungod niini, gipahamtangan usab sa US og mga sanctions ang dagkong kompanya sa lana sa Russia.

Matud ni Valery Gerasimov, chief general sa Russian armed forces, nga ang Burevestnik missile nagpabilin sa hangin sulod sa 15 ka oras ug masakop ang gilay-on nga hangtod sa 14,000 ka kilometro.

Kini usab adunay kapasidad sa paglikay sa anti-missile ug anti-aircraft defenses.

Samtang gikatahong gitun-an karon ni Putin ang pamaagi sa paggamit niini ug ang imprastraktura sa paglusad sa maong missile.