Mapasigarbohong gipahibalo sa aktres nga si Ruffa Gutierrez ang iyang “final stretch” o ang hapit na niya nga paggradwar sa iyang Master’s Degree.
Sa iyang social media post, gipakita sa aktres ang iyang hulagway samtang anaa sa sulod sa unibersidad. Matud pa ni Ruffa, dili lalim ang iyang giagian tungod sa kapiot sa iyang schedule isip usa ka aktres ug inahan, apan determinado siya nga humanon ang iyang pagtungha.
Kahinumduman nga niadtong 2022, nigradwar si Ruffa sa kurso nga Bachelor of Arts in Communication sa Philippine Women’s University ubos sa Expanded Tertiary Education Equivalency and Accreditation Program (ETEEAP).
Gidawat ni Ruffa ang daghang mga pagdayeg gikan sa iyang mga fans ug kaubanan sa showbiz tungod sa iyang dedikasyon nga mapalambo pa ang iyang kahibalo bisan pa man sa iyang kalampusan sa career.