Gipadayag ang gituohang seryosong hulga sa kinabuhi sa usa ka taas nga opisyal sa nasod, nga nalambigit sa mainiton nga panagbangi sa politika. Matod sa pahayag ni kanhi Presidential Spokesperson Atty. Harry Roque, adunay hulga batok sa kinabuhi ni Vice President Sara Duterte.
Giangkon niya nga ang maong hulga mitumaw human sa mga alegasyon nga naglakip sa posible nga pagpatuman og kadaot batok kaniya. Gibutyag usab ni Roque nga ang kahimtangan seryoso ug kinahanglan tagaan og dakong pagtagad sa kahilwasan.
Sa pikas bahin, misupak si kanhi Presidential Spokesperson Atty. Harry Roque sa gihangyo sa gobyerno sa Pilipinas nga Interpol Red Notice batok kaniya, nga iyang giingong usa ka politically motivated ug supak sa international regulations nga kaso.
Matod pa niya, siya usa ka protektadong bona fide asylum seeker ubos sa balaod sa Netherlands ug sa European Union, ug aduna siya’y opisyal nga dokumento nga nagpamatuod niini.
Giangkon usab ni Roque nga peke ang kasong syndicated trafficking batok kaniya ug gigamit aron siya pahilumon isip kritiko ni Pangulong Marcos Jr.
Gipasabot pa niya nga ang hangyo supak sa Interpol legal framework, ilabina ang Article 2 ug Article 3, ug nakapasa na siya og pormal nga pagtutol sa Commission for the Control of Interpol’s Files aron dili tugutan ang Red Notice.