Gipasalig ni House Speaker Martin Romualdez karong adlawa Hunyo 4 ang iyang baruganan nga himuong permanente ang ₱20 nga presyo kada kilo sa bugas, isip kabahin sa tinguha ni Presidente Ferdinand Marcos Jr. nga mapahimo nga abot-kaya ang pagkaon para sa matag Pilipino.
Kauban nila DA Secretary Kiko Laurel ug Undersecretary Alvin Balagbag, gisiguro ni Romualdez nga personal niini ipatuman ang mga balaod nga maglig-on sa maong programa sa umaabot nga ika-20 nga Kongreso.
Dili lang kini isyu sa presyo apan usa kini kasaad nga nagkinahanglan og konkretong reporma.
Ipatuman usab ang balaod nga Rice Tariffication Law aron hatagan og balik og gahum ang National Food Authority (NFA) sa pagkontrol sa presyo sa bugas.
Dugang pa niini, importante nga matabangan ang mga mag-uuma pinaagi sa mas maayong binhi, gamit, ug mas lapad nga access sa merkado.