Usa ka dakong kalampusan sa natad sa teknolohiya ang natala sa China human napatuman sa usa ka sopistikadong robot ang delikadong pagkumpuni sa linya sa kuryente.
Sa labing unang higayon, ang “robot electrician” nanguna sa live repair sa usa ka 10 kV powerline sa Qingshan County pinaagi sa paggamit og laser cutting technology.
Ang maong makina adunay katakos nga mo-navigate sa komplikadong mga wiring environment aron ayuhon ang mga kable nga walay bisan unsang selyas sa human error.
Matud pa sa mga eksperto gikan sa Wuhan State Grid, dako kini nga tabang aron mawagtang ang risgo sa pagkakuryente nga kasagarang giatubang sa mga electrician.
Pinaagi niining katingalahang imbensyon, malikayan na ang mga “buwis-buhay” nga sitwasyon sa mga nagtrabaho sa mga linya sa kuryente samtang gisiguro nga dili mapalong ang suga sa mga panimalay.
Kini nga lakang nagpakita lamang nga ang modernong teknolohiya mamahimong makatabang sa pagluwas sa kinabuhi sa tawo gikan sa peligrosong trabaho.