Rick Davies sa British rock band nga Supertramp, mitaliwan na!

Mitaliwan  na ang lead singer ug co-founder sa British rock band nga Supertramp nga si Rick Davies sa edad nga 81.

Sumala sa pamilya niini, natakdan matud pa kini sa sakit nga blood cancer kon (multiple myeloma).

Gitukod ni Davies ang banda niadtong 1969 uban sa kauban niyang si Roger Hodgson.

Usa sa labing inila nga album sa grupo  mao ang “Breakfast in America” nga nakabaligya og 18 milyon ka kopya ug nakadaog og duha ka Grammy Awards.

Gipasikat niini ang mga kantang “Goodbye Stranger”, “Bloody Well Right”, ug daghan pang uban.