Nag-atubang karon og bug-at nga reklamo sa National Bureau of Investigation (NBI) ang mga aktres nga sila si Rhian Ramos ug Michelle Dee, lakip na ang kanhi beauty queen nga si Samantha Panlilio. Kini human sila pasangi sa personal nga drayber ni Ramos nga matud pa nagtinabangay sa pag-torture kaniya niadtong Enero 17 didto sa usa ka condo sa Makati.
Sa asoy sa biktima, gipangulatan siya sa mga bodyguard sa aktres sa ika-39 nga andana sa residential complex ug gipugos pa kuno siya sa pagbuhat og malaw-ay nga butang, pagpainom og ihi, ug pagbubo kaniya og makahubog nga ilimnon. Ang biktima, nga nakasinati og grabeng trauma, kasamtangan na karong ubos sa proteksyon sa Volunteers Against Crime and Corruption (VACC).
Migawas kining maong reklamo human gibasura sa korte ang naunang kasong pagnanakaw nga gipasaka ni Michelle Dee batok sa maong drayber.