Reward sa pagdakop ni Atong Ang gipataas sa ₱20 milyon

Gianunsyo ni Department of the Interior and Local Government (DILG) Secretary Jonvic Remulla ang pagtaas sa ₱20 milyon nga reward alang sa bisan kinsa nga makahatag og impormasyon sa gikahimutangan karon sa negosyante nga si Charlie “Atong” Ang.

Matud ni Remulla, gipataas ang reward aron paspas ang padayun nga pagpangita ug pagdakop kang Ang.

Ang pondo alang sa reward gikan sa confidential funds nga gitagana para sa PNP ug DILG.

Gipasiugda sa kalihim nga kinahanglan manubag si Ang sa giingong krimen nga iyang nahimo.

Kahinumduman nga giatubang ni Ang ang kaso may kalabotan sa pagpatay sa mga nawagtang nga sabungero, nga iyang gipanghimakak.