Gipadayon karong adlawa ang hugot nga retrieval operations sa mga patayng lawas sa mga missing sabungeros.
Gipanguluhan kini sa Department of Justice (DOJ) uban sa Philippine Coast Guard ang paglusong sa lake aron pangitaon pa ang ubang lawas sa mga biktima human marekober ang pipila ka sako nga may sulod nga bukog sa patayng lawas sa tawo sa Taal Lake.
Kabahin niini gipahayag ni Commodore Geronimo Tuvilla sa Philippine Coast Guard nga hingpit ang pagpangandam sa mga otoridad alang sa maong lakang aron mamahimong dali ang ipahigayon nga retrieval operation.
Apan taliwala sa kamahinungdanon sa maong operasyon, hingpit nga gipasabot sa opisyal nga prayuridad niini ang kaluwasan o kahimtang sa mga divers labi na sa dili maayong dagan sa panahon, apan andam silang buhaton ang tanan labi na ang pagprepara sa kagamitan ug pagpili sa tukmang lugar nga gikahimutangan sa mga patayng lawas sa mga biktima.
Aron masiguro ang kahimtang ug kaluwasan sa mga divers lakip tanang indibidwal sa maong operasyon, padayon ang pakigtimbayayong sa Philippine Coast Guard sa Philippine Volcanology and Seismology alang sa aktibad sa bulkan kon luwas ba ang pagahimuong kalihukan, matud ni Tuvilla.
Dugang pa niini, buhaton ang tanan sa Philippine Coast Guard ang tanan aron hatagan og kasiguruhan ang pamilya sa mga biktima.
Sa pagakakaron padayon ang operasyon, diin adunay nadugang nga 2 ka sako ang narekober sa Philippine Coast Guard ug gisugyot sa DOJ nga ipalawon kini sa hugot nga pagsusi.