Gikompirma sa Department of Justice kon DOJ nga ang resolusyon alang sa grave threats ug inciting to sedition nga kaso batok kang Bise Presidente Sara Duterte gipailawom na sa masusing pagtuon.
Matud sa tigpamaba sa DOJ nga si Atty. Polo Martinez, aduna nay draft ang nasangpit nga kaso apan tun-an pa kini.
Ang kaso gikonsidera nga pending tungod sa pagtuon sa DOJ division heads.
Kahinumduman nga kaniadtong Pebrero 2025, mipasaka og reklamo ang National Bureau of Investigation kon NBI tungod sa mga pagpanghulga ni Duterte kaniadtong Nobyembre 2024.
Sa nasangpit nga pamahayag, ang Bise Presidente miluwat nga nag-hire kini og tao nga mopatay kang Presidente Ferdinand Marcos Jr., First Lady Liza Marcos, ug House Speaker Martin Romualdez.
Giklaro ni Martinez, nga bisan og mideklarar na si Duterte sa pagdagan pagka-Presidente, dili maapektuhan ang nasangpit nga kaso.