Giduso sa konseho ang usa ka resolusyon nga nagtumong sa istriktong implementasyon pagdapig sa kultural nga kinaiyahan ilawom sa Section 5, sa kasamtangang ordinansa sa Malaybalay City.
Ang maong lakang gipangulohan ni Hon. Cromwell Kiril Dinlayan, Konsehal sa Dakbayan sa Malaybalay, atol sa session sa Sangguniang Panlungsod diin gisugyot niini ang pagpalig-on sa maong ordinansa aron mapanalipdan ug mapreserbar ang katungod, tradisyon, kultura, ug naandan nga mga gawi sa mga lumad o indigenous institutions sa dakbayan.
Subay sa maong pamahayag sa konsehal gipasabot niini nga lakip sa maong ordinansa mao ang pag-ilis sa mga signages sama sa mga traffic signs, comfort room areas ngadto na sa Binukid nga pinulungan isip kabahin sa maong tinguha nga palapdan ang tradisyunal ug kultural nga kinaiyahan sa katawhan sa Bukidnon.
Gilaraw usab sa opisyal nga dili matud pa kini lisod sabton sa mga lumulupyo ning dakbayan busa walay angay kabalak-an bisan pa sa ga dumuduong gumikan adunay mga personahe nga hingpit nga mupasabot sa maong pulong kung maglisod pagsabot niini.