Gisugyot ni TGP Partylist Representative Bong Teves nga buksan na sa publiko ang tanang bicameral conference committee hearings sa Kamara ug Senado.Sa House Resolution Number 28 nga gisumite ni Teves, gusto niya nga apil ang bicam sa national budget nga unang gisugyot ni Speaker Martin Romualdez.
Matod ni Teves, nga iyang gisuportahan ang lakang ni Romualdez nga makabaton og “Open Bicam” alang sa national budget. Matud niya maayo kini nga lakangdiin angay suportahan sa senado ug kamara de represante aron masayran sa katawhan kung giunsa paghimo ang annual appropriations.
Nagtuo ang kongresista nga kung mahimong publiko ang mga bicam hearings, mawala na ang mga pagduda sa publiko. Gawas pa niini, makita usab kung adunay mga problema sa pagplano sa national budget o uban pang mga balaodnon.
Kahinumduman nga misulti si Romualdez milabay mga adlaw nga kinahanglan nang ablihan ang bicam isip kabahin sa budget reforms tungod kay ang transparency ug accountability maoy haligi sa proseso.