Hingpit ug lig-on nga suporta ang tanang myembro sa Sangguniang Bayan sa Impasugong ang House Resolution No. 775, nga nag-awhag sa Department of Public Works and Highways kon DPWH nga aksyonan gilayon ug ipatuman ang konkretong mga interbensyon alang sa kaluwasan sa Atugan Bridge sa Municipality of Impasugong.
Tumong sa resolusyon nga gisang-at sa lokal nga konseho, nga mahatagan gilayon og aksyon ang kahimtangan sa tulay tungod sa pabalik-balik nga mga insidente matag tuig nga naglambigit sa mga indibidwal gamiton ang estruktura isip pamaagi sa pagtapos sa kinabuhi.
Giila sa konseho, nga usa kini ka seryosong isyu sa kaluwasan ug kahimsog sa publiko nga nanginahanglan og komprehensibong pagtubag gikan sa mga ahensya sa gobyerno.
Kini panawagan sa DPWH nga magpatuman og mga lakang sama sa pagpalig-on sa estruktura, pagbutang og angay nga mga protective barrier, pagpaayo sa suga ug signages, ug pagdesinyo og dugang nga safety features aron mapugngan ang posibleng peligro ug mapanalipdan ang kinabuhi sa mga molabay ug musulay sa paglayat sa maong tulay.