Gipahayag ni Philippine National Police Chief, Police General Jose Melencio Nartatez Jr., nga normal ug dili malikayan ang mga pagbag-o sa mga opisyal sa PNP.
Kini nga mga pagbag-o resulta sa lain-laing sitwasyon sama sa sayu nga pagretiro sa uban nga opisyal ug pag-abli sa oportunidad alang sa uban nga pulis nga ma-assign sa bag-ong mga pwesto.
Sumala ni Nartatez nga kini usa ka “chain reaction” aron mapun-an ang bakante nga posisyon ug mapadayon ang maayong chain of command sa organisasyon.
Gipunting usab niya nga wala’y kabag-ohan sa iyang mga nauna nga direktiba isip Acting Chief sa PNP, ilabi na ang pagpanalipod sa kaayohan ug integridad sa pulisya sa serbisyo publiko.
Pagpadayon sa mga programa alang sa peace and order sa tibuok nasud.
Sa pagselebrar sa anibersaryo sa PNP, gipakita ang ilang mga bag-ong assets ug kagamitan nga kabahin sa modernisasyon sa pulisya, nga makatabang sa mas epektibo nga pagpatuman sa mandato sa organisasyon.