Natumba ang 24-metro nga replica sa Statue of Liberty nga nahimutang gawas sa Havan megastore sa Guaíba, Brazil niadtong Disyembre 15, human kini matandog sa kusog nga hangin tungod sa daotang panahon.
Sumala sa mga awtoridad, walay gikataho nga naangol sa maong insidente tungod kay sayo pa naipa evacuate ang mga tawo ug mga sakyanan sa palibot sa lugar sa wala pa mibigay ang istruktura.
Ang maong replica gitukod niadtong 2020 isip kabahin sa branding sa Havan retail chain, nga nailhan sa pagtukod og mga replica sa Statue of Liberty sa ilang mga tindahan. Bisan pa sa pagkahulog sa estatwa, nahibiling lig-on ang konkretong base niini ug wala maapektuhi ang bilding.
Ang panghitabo nakuha sa video ug mikatag sa social media, nga nahimong sentro sa daghang diskusyon sa publiko. Ang insidente kabahin lamang sa mga kadaut nga gipahinabo sa kusog nga bagyo sa rehiyon sa Rio Grande do Sul niining Disyembre.