Anaa na karon sa Estados Unidos si kanhi House Appropriations Committee Chairman ug AKO Bicol Partylist Representative Zaldy Co alang sa iyang medical treatment, sumala sa pahayag ni House Spokesperson Atty. Princess Abante.
Giingon nga adunay husto nga mga travel documents si Co ug gitagaan siya og clearance sa Kamara aron makabiyahe paingon sa US.
Apan samtang wala kini sa nasud, giatubang niya ang isyu sa insertion o kalit nga pagsulod sa P13.8 bilyon nga pondo sa mga proyekto sa Department of Public Works and Highways (DPWH) ubos sa P6.352 trilyon nga 2025 National budget.
Kini gi question ni Navotas Rep. Toby Tiangco, nga miingon nga dugay na niyang wala makita si Co sa mga plenaryo, pagdungog ug bisan sa mga okasyon sa Kamara.Gikwestyon usab ang pagumangkon ni Co nga si Brgy. Health Workers (BHW) Partylist Rep. Natasha Co, nga giingong naghangyo og P2 bilyong pondo alang sa mga imprastraktura.
Si Co wala pa motubag sa mga pasangil ug nagpabiling hilom. Apan buot ni Caloocan City 2nd District Rep. Edgar Erice nga ipatawag si Co ug si kanhi Senate Finance Committee Chairman Grace Poe aron magpahayag sa isyu sa budget insertion.Sa laing bahin, sa pagdungog sa Infra Committee, giangkon ni kanhi DPWH Secretary Manuel Bonoan nga nadugangan og P100.8 bilyon ang budget sa DPWH alang sa mga infrastructure projects karong tuiga.