Gipagawas ni Batangas Rep. Leandro Leviste ang kopya sa 2025 DPWH Budget per District Summary file nga iyang nadawat gikan sa mipanaw nga Undersecretary Catalina Cabral.
Sumala sa dokumento, ang sulat nga “NEP RESTORED” nagtumong sa “Allocable” budget, ang tinuig nga alokasyon nga mahimong ipang-apod-apod sa matag District Congressman.
Ang kinatibuk-ang kantidad niini P401.3 bilyon, nga nadugangan og P30 milyon matag distrito sa 2025, bisan pa man nga nagkalahi ang eksaktong badyet sa matag distrito.
Gipasabot ni Leviste nga gawas niini, aduna usab og “Outside Allocable” nga gi-assign sa lain-laing mga proponents.
Apil dinhi ang mga amendments o insertions gikan sa House of Representatives, Senado, Bicameral Conference Committee, ug bisan sa NEP.
Gipasiugda niya nga kining mga pondo gigamit sa DPWH alang sa mga proyekto ug dili alang sa personal nga kaayohan sa mga proponents.
Matod pa ni Leviste, kadaghanan sa badyet naa sa gawas sa “Allocable” sa mga District Congressman ug gipangdumala sa ubang mga proponents.
Sumala kaniya, importante nga mahibal-an sa publiko ang sulod sa DPWH budget aron mapasigarbo ang mga proyektong ginapatuman.
Ang kinatibuk-ang “Allocable” alang sa mga District Representatives P401.3 bilyon, samtang ang mas dako nga bahin nga P1.041 trilyon naa sa “Outside Allocable.”