Mipasaka si Mamamayang Liberal Party-list Rep. Leila De Lima og reklamong libel ug cyberlibel sa National Bureau of Investigation kon NBI batok sa 18 ka mga gikaingong kanhi sundalo ug sa abogado nga si Atty. Levito Baligod.
Kini nga lakang ni Rep. De Lima tungo sa pasangil ug joint affidavit nga gihatag sa mga gikaingong mga kanhi sundalo, lakip na ang mga pamahayag sa interbyu ni Atty. Baligod, nga miluwat nga nakadawat si De Lima og usa ka ‘paperbag’ nga adunay sulod nga kwarta.
Gihimakak usab ni De Lima, nga kini nga mga alegasyon wala’y basehan ug klaro nga gisulayan lamang sa pagdaot sa imahe ug reputasyon niini, ug nagpangayo og hustisya alang sa pagdaot sa dungog ug gisiguro nga ipapanubag ang mga kanhi sundalo.
Dugang pa niini, nga kini nga pamakak dili na bag-o aron daoton ang pangalan niini.
Gisegundahan usab ni De Lima ang pamahayag ni kanhi Antonio Trillanes IV, nga ang kampo ni Duterte ang nagpaluyo sa paglutaw sa kontrobersiya pinaagi sa 18 ka mga kanhi sundalo.
Kahinumdoman nga pareho usab nga gihimakak ni De Lima ug Trillanes, ang mga alegasyon nga nakadawat kini og milyon-milyong kantidad sa kwarta.