Gisaway ni Mamamayang Liberal Party-list Rep. Leila de Lima, ang pagpakahilom ni Vice-President Sara Duterte kalabot sa mga gikaingong sexist nga pamahayag batok sa kababayen-an nga gipagawas sa pipila ka personalidad nga nagdepensa sa bise-Presidente.
Matud ni De Lima, nga ang dili paghatag og reaksyon sa usa ka taas nga opisyal sa gobyerno taliwala sa mga pamahayag nga giisip nga pagpaubos o pagpangbastos sa kababayen-an mahimong makapadala og sayop nga mensahe sa publiko mahitungod sa liderato ug sa respeto alang sa kababayen-an.
Gipasabot niini, nga gilauman sa katawhan nga ang mga lider sa nasud mahimong ehemplo sa pagpanalipod sa dignidad ug katungod sa kababayen-an.
Gipunting usab ni De Lima, nga ang mga pamahayag nga gikaingong gipagawas sa kongresista sa Quezon City nga si Rep. Bong Suntay, ug abogado nga si Ferdinand Topacio nga gikaingong gihimo isip depensa alang sa Bise-Presidente kalabot sa impeachment complaint nga gisang-at batok kaniya sa Kamara de Representante.
Tungod niini, giduso ni De Lima nga importante nga adunay klarong baruganan ang mga opisyal sa gobyerno batok sa bisan unsang porma sa sexist nga pamahayag aron mapalig-on ang respeto ug pagpanalipod sa katungod sa kababayen-an sa katilingban.