Gipanghimakak ni Rep. Joel Chua ang giingong “maleta scandal” ug isyu sa flood control projects nga naglambigit sa mga miyembro sa Kongreso ug sa mga imbestigador sa International Criminal Court.
Matod sa kongresista, walay kamatuoran ang mga alegasyon nga mikaylap sa social media ug kaduda-duda ang timing sa pagpagawas niini tungod kay gihaom kini sa pagdungog sa ICC sa kaso batok kang kanhi Presidente Rodrigo Duterte ug sa umaabot nga impeachment hearing sa Bise Presidente.
Gibutyag ni Chua nga posible kining paagi aron malikay ang isyu ug madaot ang kredibilidad sa mga miyembro sa Quad-Committee ug Committee on Justice.
Andam usab siya motubag kon imbestigahan sa Senado, samtang giila niya ang giingong inconsistencies sa mga numero nga gilambigit sa alegasyon, lakip ang pondo sa flood control projects gikan 2022 hangtod 2025