Nagwalkout sa tunga-tunga sa hearing si Manila Rep. Benny Abante kagahapon isip protesta sa pagpadayon sa impeachment complaint batok kang Presidente Ferdinand Marcos Jr. sa House Justice Committee.
Nahitabo ang maong insidente human gideklarar sa komite nga “sufficient in form” o husto sa porma ang duha ka reklamo batok sa Presidente.
Matud ni Abante, klaro nga kulang sa porma ang ikaduhang reklamo ug ang pagtuki niini usa lamang ka “exercise in futility” o walay kapuslanan nga lakang.
Gisugyot sa magbabalaod nga ibasura ang reklamo, apan sa dihang gibalibaran kini sa komite, nidesisyon kining mobiya.
Saysay pa niini nga ang pag-usik-usik sa oras sa maong reklamo usa usab ka dakong pag-usik sa kwarta sa katawhan.
Bisan pa sa pag-walkout ni Abante, nakakuha gihapon og igong boto ang duha ka reklamo aron mupadayon sa sunod nga hugna sa hearing. Ang unang reklamo nga giduso ni Rep. Gerville Luistro nakakuha og 46 ka pabor nga boto.
Ang ikaduhang reklamo gikan sa Makabayan Block nakakuha og 35 ka pabor nga boto. Sunod nga sutaon sa komite kon duna ba kini igong basehan ug unod aron hingpit nga mapadayon ang impeachment process.