Gibarugan si Tingog party-list Rep. Jude Acidre nga walay nakitang rason ang Independent Commission for Infrastructure (ICI) aron manubag si kanhing House Speaker Martin Romualdez kalabot sa mga giingong anomalya sa flood control projects.
Gipahayag kini isip pagsupak sa mga akusasyon nga gikan ni Navotas Rep. Toby Tiangco batok kang Romualdez.
Sumala ni Acidre nga base sa referral sa ICI ngadto sa Office of the Ombudsman, walay nakit-an nga ebidensya o konklusyon nga nagpakita og sala batok sa kanhi lider sa Kamarabaha.
Kahinumduman, pormal nang gipasaka sa ICI ang kaso ngadto sa Office of the Ombudsman aron masusi pag-ayo, lakip ang affidavit ug mga recording nga nalambigit kang Romualdez.
Nagpahayag usab og pagsalig ang abogado ni Romualdez nga ang Ombudsman mohimo og imbestigasyon nga independente, lawom, ug patas.
Bisan pa man sa mga balita nga nagrekomenda ang ICI ug ang Department of Public Works and Highways og kasong plunder, gipasiugda sa kampo ni Romualdez nga walay direkta nga konklusyon sa iyang pagkasad-an nga gipagawas sa ICI.
Ang maong imbestigasyon nagsugod gikan sa mga alegasyon sa “ghost” o wala mahuman nga mga flood control projects sa gobyerno.