Gikumpirma sa Police Regional Office X nga wala’y natala o namonitor nga seryosong hulga sa seguridad sa rehiyon, hilabi na nga sunod-sunod na nga mitahan balik sa sabakan sa gobyerno ang mga walhong grupo.
Sa eksklusibong pakighinabi sa Bombo Radyo Malaybalay kang PMaj. Joann Navarro, tigpamaba sa Police Regional Office X, nagkanayon nga nakadawat ang buhatan og pipila ka impormasyon kabahin sa kasamok apan sa pagvalidate sa mga intelligence units dili kini serysosng hulga sa kalinaw ug kahapsay.
Matud pa ni Pmaj. Navarro, wala pa’y natala nga seryosong hulga sa peace and order ug wala’y aktibong criminal gang nga namonito sa rehiyon nga naghatag og kabalaka.
Samtang kabahin sa insurgency, hilabi na sa nagkadool nga Disyembre 26 nga gikaingong anibersaryo sa CPP-NPA kon Communist Party of the Philippines ug New People’s Army, diin gisiguro nga hugot nga gi-monitor sa otoridad ang tanang kalihukan niini ug wala’y angay ikabalaka gumikan naminus na ang pwersa sa maong kalihukan tungod daghan na usab sa ilang mga miyembro ang mitahan balik sa sabakan sa gobyerno.
Gipasigarbo usab sa PRO-X, nga ubay-ubay na ang gideklarang insurgency-free sa rehiyon, hinungdan nga wala’y angay ika-kabalaka ang katawhan mahitungod sa seguridad, tungod usab nagpadayon ang lig-on nga presensya ug koordinasyon sa mga ahensya sa gobyerno aron mapadayon ang kalinaw ug seguridad sa tanan