Gipaabot sa Commission on Elections (COMELEC) sa Malaybalay City nga hapit na mahuman ang registration alang sa Barangay ug Sangguniang Kabataan Elections 2026, samtang nagpadayon ang satellite ug office-based registration aron matabangan ang mga residente sa ilang mga barangay.
Sumala ni Atty. Danilo N. Dividina, Election Officer sa Malaybalay, nagsugod ang resumption of registration niadtong Oktubre 2025 ug mahuman karong Mayo 18, 2026. Ang satellite registration gi-conduct sa Barangay Managok ug sa Kilap-agan Elementary School sa Can-ayan, uban sa tabang sa uban pang government agencies, aron ang mga kabataan ug Sangguniang Kabataan makaparehistro ug makabutar sa Nobyembre 2, 2026.
Giawhag sa COMELEC ang tanang eligible voters nga mogamit sa nahibilin nga panahon sa registration aron masiguro nga apil sila sa botohan ug mapalig-on ang participasyon sa komunidad sa umaabot nga eleksyon.