Mihakot og kontrobersya ug atensyon sa tibuok kalibutan ang kaso nga naglakip sa usa ka 38-anyos nga lalaki nga nagpakaaron-ingnong nga babaye ug nailhan online isip “Red Sister.”
Matud sa mga balita nga gikan sa Nanjing, Probinsya sa Jiangsu, ang suspetsado nga si Jiao, gidakop human makuha og ebidensya nga nalambigit siya sa sex trade nga naglakip og libuan nga mga lalaki ug pipila ka langyaw.
Misul-ob kini og sinina nga babaye ug gituohan nga gigamit niini ang dating apps aron makapangilad sa mga biktima, ug tago nga gividyo ang ilang mga engkwentro aron ibaligya kini online.
Gikakurat sa publiko nga kadaghanan sa mga biktima gitawag nga “high-quality men” mga gwapo, batan-on nga mga propesyonal, ug mga mahiligon sa gym og pipila kanila mibalik pa bisan pagkahibalo sa tinuod nga identity ni “Red Sister.”
Si Jiao gitaho nga migamit og mga peluka, make-up, filters, ug usa ka voice-changer aron moakto nga usa ka minyo nga babaye.
Isip baylo sa ilang pakighilawas, ginapangayo ra niya ang yano nga mga butang sama sa prutas, peanut oil, tissue, ug gatas.
Bisan tuod gikumpirma sa mga awtoridad nga wala pa’y klarong ihap sa mga biktima nga gituohang milapas sa libo, nagpadayon gihapon ang imbestigasyon.
Ang same-sex nga relasyon legal sa Tsina, apan ang pagpakaylap sa sexual content online hugot nga gidili.