Gikumpirma ni Palace Press Officer Undersecretary Claire Castro nga nagpabiling inosente si Executive Secretary Ralph Recto batok sa mga pasangil may kalabutan sa pagbalhin sa P60 bilyon nga pondo gikan sa PhilHealth ngadto sa National Treasury. Sumala ni Castro, igo lamang nituman si Recto sa mandato sa balaod ubos sa 2024 General Appropriations Act sa dihang siya pa ang Secretary of Finance.
Gipasabot ni Castro nga ang maong isyu nasulbad na kaniadto pa ug gani ang pipila ka mga maghuhukom sa korte suprema ang niila nga nilihok si Recto sa “good faith” o maayong kabubut-on, hinungdan nga wala siyay tulubagon sa balaod.
Samtang giatubang ang mga bag-ong reklamo sa Ombudsman karong Enero 15, 2026, giklaro sa Palasyo pinaagi ni Castro nga ang gobyerno nakatuman na sa mando sa korte nga ibalik ang pondo ug padayon ang paghatag sa prayoridad ug serbisyo sa panglawas alang sa katawhan.