Gilaomang mahuman ug maagian na sa bulan sa Enero sunod tuig ang gibuhat nga detour road alang sa Quezon–Davao access sa Sitio Kipolot, Barangay Palacapao.
Matud ni Engr. Michael Encarnacio, Project Engineer sa Gamolo Construction, anaa na karon sa 60 hangtod 70 porsyento ang nahuman sa detour road, ug gitinguha nga magamit kini pagsugod Enero 15, 2026 aron masiguro ang padayon nga agianan sa mga sakyanan samtang ginahuman ang kinatibuk-ang proyekto.
Matud niini, ang maong proyekto adunay kantidad nga P46.6 milyones nga pondo gikan sa Department of Public Works and Highways.
Sigon ni Engr. Encarnacio, gisugdan kini kaniadtong Disyembre 12, ug gikatakdang mahuman sa Enero 25, 2026, nga gilaomang makatabang sa mas hapsay nga transportasyon, pagpauswag sa panginabuhian, ug pagpalig-on sa koneksyon sa mga komunidad sa Quezon ug kasikbit nga mga lugar.