Nagminagahi ang Presidente sa Russia nga si Vladimir Putin nga dili kini makigsabot ug makig-uli sa Ukraine bisan unsa pa ang buhaton nga pressure sa US niini.
Matud niini, nga kung dili tubagon sa Ukraine ang gipangayo nga ihatag ang teritoryo niini sama sa kasabutan sa US sa ceasefire, gikaingong mohimo gihapon kini og bug-at nga mga lakang.
Gikaingong andam kining mopalihok sa militar niini aron lamang makuha ang gusto.
Gisaway usab niini ang pagpanghilabot sa pipila ka nasud sa Europa hinungdan nga nadugay ang pagpatuman sa ceasefire.
Ang isyu sa teritoryo ingon man ang mga garantiya sa seguridad sa Ukraine lisod matud pa sulbaron sa peace talks..
Gumikan ang Ukraine lig-on sa baruganan nga dili itugyan ang rehiyon sa Donbas nga giangkon sa Russia.
Kahinumdoman nga ang US ug Ukraine nagpahigayon na og pipila ka mga panagpulong, ingon man lakip ang European Union, aron hingpit na nga mapasar ang ceasefire deal, apan ning kasamtangan wala gihapoy kasabotan ang natuman.