Patay ang usa ka driver sa usa ka fruit vendor nga giila nga si Ranel Arenga human kini gipusil sa ulo sa tulo ka mga tulisan kagahapon sa gabie, alas 9:00 sa gabie sa Barangay Aglayan. Sumala sa inisyal nga imbestigasyon sa Malaybalay Police, na matod pa ni PCapt. Ernie Cabrera – Chief Investigator sa Malaybalay Police Station na tulo ka mga lalaki nga sakay sa usa ka itom nga motorsiklo ang responsabli sa krimen.
Nasayran nga nakuha gikan sa biktima ang cellphone niini ug ang halin sa prutasan nga gibanabanang mukabat sa kapin 100K. Matud sa inahan sa tag-iya sa prutasan nga si Rollena Dizon, nga ang maong kantidad nga gitulis mao ang kinatibuk-ang kita sa negosyo sukad pa kaniadtong adlaw sa Pasko.
Sa pagkakaron, nagpadayon pa ang hot pursuit operation sa kapulisan aron ilhon ug madakpan ang mga suspetsado nga daling miikyas human sa panghhitabo.